IMF ასახელებს ფაქტორებს, რატომაც 2023 წელს საქართველოში 4%-იან ზრდას ელის

საერთაშორისო სავალუტო ფონდის [IMF] მისიის ხელმძღვანელი ჯეიმს ჯონი იმ ფაქტორებს ასახელებს, რის გამოც მომავალ წელს ფონდი საქართველოს ეკონომიკური ზრდის პროგნოზს 4%-მდე ამცირებს.

მისივე შეფასებით, მსოფლიოში გაურკვევლობა ძალიან მაღალია.

“ოქტომბერში, საქართველოსთან მიმართებით ჩვენი ეკონომიკური ზრდის პროგნოზი 2023 წლისთვის 4% იყო, რაც უცვლელი რჩება. ამას სხვადასხვა ფაქტორი განაპირობებს, ველით გარკვეულ ცვლილებებს, რაც დაკავშირებულია მიგრაციასთან და ასევე სხვა ფაქტორებთან. ვგულისხმობ გართულებულ გარემოს მსოფლიოში, ასევე მსოფლიო ეკონომიკურ ზრდასა და ფინანსურ ვითარებას. ყველა ამ ფაქტორის გათვალისწინებით, 2023 წელს 4%-იან ეკონომიკურ ზრდას ველოდებით.

საშუალოვადიან პერიოდში საქართველოში 2024 წლიდან 5%-იან პოტენციურ ეკონომიკურ ზრდას ველოდებით”, – განაცხადა მან.

მიმდინარე წლის აპრილში გამოქვეყნებული IMF-ის ანგარიშით, 2023 წელს საქართველოს ეკონომიკის 5.8%-იანი ზრდა იყო პროგნოზირებული, თუმცა 11 ოქტომბერს ორგანიზაციამ ზრდა 4%-მდე შეამცირა.